Zjarri në qendrën tregtare në periferi të Tiranës vijon të jetë ende aktiv.
Dyshohet se pas rënies së flakëve, 3 persona janë të zhdukur deri më tani.
Njëri prej tyre është dhe roja e sigurisë, i identifikuar si 33-vjeçari Arjan Sala. Babai i këtij të fundit, në një prononcim për “News 24” deklaroi se ka dy ditë që kërkon djalin.
I ati thekson se të birin e ka takuar dje për herë të fundit përpara punës dhe nuk ka asnjë informacion më tej për të.
Ai u shpreh mes lotësh: Nuk i pret kush mediat, por i përzini. Kam dy ditë që kërkoj djalin. Çfarë po bëni, është kompani zjarrfikëses apo çfarë është. Dje para punës së tij e kam takuar për herë të fundit.





