LIGJET E BIZNESIT
Pas takimeve që ka zhvilluar nëpër qytete të ndryshme me rastin e zgjedhjeve, kryetari i Partisë Demokratike Lulzim Basha është kritikuar për grumbullimet nga kryeministri Edi Rama.
Sipas kreut të qeverisë, lideri i opozitës po jep shembullin më të gabuar duke mbledhur njerëz për interesa politike.
Më tej, Rama u shpreh se Basha krijon situata absurde dhe injorancë.
Gjithashtu, kryeministri u bëri thirrje qytetarëve që të jenë të kujdesshëm dhe të mbrojnë shëndetin e tyre.
“Gjëja që duhet thënë të gjithëve është se ky është një proces që duhet të shkojë paralel me kujdesin. Është fatkeqësi e madhe që për shkaqe politike dhe interesa partiake dikush jep shembullin më të gabuar duke grumbulluar njerëz dhe ngritur gishtat mbi makina.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Është shumë e rëndësishme që njerëzit të kuptojnë vetë që kjo është luftë me shëndetin. Të gjithë duhet të bëjnë kujdes dhe të largohen nga situata absurde e atyre që krijojnë injorancë.
Fushata, zgjedhjet, vendet në Kuvend, karriget janë të gjitha pesë me hiç përpara kësaj sfide dhe këtij objektivi. Ne do vazhdojmë intensivisht vaksinimin dhe të bëjmë kujdes. Turpi u mbetet atyre që e kanë”, tha Rama.
