I doli emri në operacionin ndërkombëtar, arrestohet 30-vjeçari në Vlorë. Ishte shpallur në kërkim

Arrestohet personi i gjashtë i shpallur në kërkim pas operacionit ndërkombëtar antidrogë “Tibus”.

Bëhet fjalë për 30-vjeçarin Andi Veshaj, i cili pritet që të ekstradohet drejt Italisë.

Veshaj, së bashku me pesë persona të tjerë,  ishte shpallur në kërkim ndërkombëtar nga Interpol Roma, Itali, pasi Gjykata e Romës, Itali, ka lëshuar urdhër-arrestin për kryerjen e veprës penale “Organizatë kriminale me qëllim trafikun e narkotikëve”.

NJOFTIMI ZYRTAR I POLICISE

Vijon operacioni ndërkombëtar antidrogë i koduar “TIBUS”.Shkon në 6 numri i personave të arrestuar.Në vijim të operacionit “TIBUS”, në Vlorë, është kapur nga FAST Albania, FNSH, strukturat e DVP Vlorë dhe Interpol Tirana, një shtetas tjetër, i cili u arrestua me qëllim ekstradimi drejt Italisë, konkretisht:A.V., 30 vjeç, banues në Vlorë, Shqipëri. Arrestimi i tij u bë pasi edhe ky shtetas, ashtu si 5 shtetasit e tjerë të arrestuar mëngjesin e djeshëm, ishte shpallur në kërkim ndërkombëtar nga Interpol Roma, Itali, pasi Gjykata e Romës, Itali, ka lëshuar urdhër-arrestin për kryerjen e veprës penale “Organizatë kriminale me qëllim trafikun e narkotikëve”.Interpol Tirana, në bashkëpunim me Interpol Romën dhe agjencitë e tjera ligjzbatuese, vijon procedurat për ekstradimin e këtij shtetasi drejt Italisë.

🎙️ Podcast “Money Hour” | Fast News Economy