Humb jetën mësuesi dhe studiuesi i njohur Aqif Ymeri

Ditën e sotme është ndarë nga jeta mësuesi dhe studiuesi i njohur në Mat, Aqif Ymeri. Në moshën 67-vjeçare, Ymeri u nda nga jeta si pasojë e një sëmundjeje të gjatë që i rëndoi gjendjen e tij shëndetësore.

Ai u lind më 17 Nëntor 1953 në fshatin Fshat të Klosit, me një përvojë mbi 30-vjeçare si mësues e pedagog i matematikës, fikizës e didaktikës. Gjithashtu ka punuar dhe si drejtues në disa shkolla që nga Krasta e deri në Klos e Burrel.

Dekadat e fundit, fokus të veçantë i dha studimeve dhe ka publikuar shumë libra si “Kuvendet e Matit”, “Rruga e Arbrit”, “Prodhimin e barutit në Mat”, “Gjurmë të mësimit dhe shkollës shqipe në Klos e Martanesh”, etj.

Këshilli Bashkiak Klos në vitin 2012 i ka akorduar titullin “Qytetar Nderi” i Bashkisë Klos për kontribut të çmuar në arsim dhe promovimin e vlerave historike dhe etno kulturore të Klosit.