LIGJET E BIZNESIT
Një 27-vjeçar nga Britania e Madhe, në gusht të 2016-s, hyri në shtëpinë e ish-të dashurës, gjashtë muaj pasi ajo kishte denoncuar në polici sjelljen e tij.
Shana Grice, vetëm 19 vjeçe, thuhet se ishte ndarë nga Michael Lane vetëm para disa muajsh, por ai vazhdoi ta përndiqte të renë- sjellje që Grice raportoi në mënyrë të përsëritur në Policinë e Sussex, vetëm për të marrë një gjobë prej 90 paund pasi “humbi kohën e saj”.
Kur Lane sulmoi Grice në dhomën e saj të gjumit, ajo kishte kontaktuar policinë pesë herë. Në asnjë rast, policia nuk kishte marrë masa ndaj ishit të saj. Ai i preu fytin dhe i vuri flakën të resë, pastaj i qetë u largua nga shtëpia e saj dhe shkoi në punë.
Lane u dënua në mars të 2017-s, por çështja ka marrë jehonë kohët e fundit. Gjatë fundjavës, dokumentari “Murder in Sloë Motion” vuri në qendër të vëmendjes vrasjen e Grice, dhe në javët e fundit, vrasja e dukshme e Sarah Everard nga një oficer policie në Londër, ka shkatërruar thellësisht besimin në angazhimin e efektivëve për mbrojtjen e vajzave apo grave.
“Kjo është një vrasje kaq tragjike dhe aq më tepër sepse ishte e shmangshme. Rasti tipizon pse gratë kanë pak besim në polici dhe pse shpesh nuk raportojnë incidente sepse nuk janë të sigurt se do të marrin ndihmën që u nevojitet”, tha Daynes.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
