LIGJET E BIZNESIT
Një muaj para zgjedhjeve elektorale, kryeministri Edi Rama ka vijuar me porositë e prera ndaj socialistëve.
Sot gjatë një konference për shtyp, ai ka kërkuar që të vetët të harrojnë gjithçka është arritur për 4 vite dhe të punojnë dhe të dalin kudo para qytetarëve.
Kreu i qeverisë nuk ka lënë pa përmendur dhe kundërshtarët, duke i cilësuar si shumë të dobët.
Rama tha se programet e tyre nuk i frymëzojnë aspak.
“Në këtë minutë të parë dëshiroj t’ju them që iu lutem harrojini sondazhet. Avantazhet! Harrojeni sa shumë kemi bërë në këto dy mandate, dhe sa shumë kemi punuar. Harrojini të gjitha. Ndeshja fitohet kur kalojnë të gjitha votat në kufi. Të fokusohemi tek programi i punës, qytet më qytet; media më media, në çdo dritare të mundshme komunikimi. Kijeni mirë parasysh se problemi më i madh janë kundërshtarët e çoroditur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Tash 4 vjet kanë bërë gjithçka për ta humbur ndeshjen. Programe pa lidhje me ekip i mosozotshëm. Luli si roje parkingu që fle gjumë me Monikën që u bie borive për të ndaluar autokolonën tonë drejt fitores. Janë problem sepse duhet të gjesh fuqi ekstra. Motivimin nuk na e japin dot, janë shumë të dobët. Fokusohuni tek objektivat. Vraponi pa pushim, pasojeni topin, të gjithë në sulm e mbrojtje. Të gjithë në sulm për drejtësinë e të ardhmes,”-tha Rama.
