Habit Kryemadhi, krahason zyrtarin amerikan me sapunin: Sa Palmer-a dhe palmolive do hyjnë në Shqipëri…

Kryetarja e Partisë Socialiste për Integrim, Monika Kryemadhi, ka thënë se zëvendës ndihmës Sekretar i Shtetit dhe përfaqësues i posaçëm amerikan për Ballkanin Perëndimor Matthew Palmer, e ka marrë në telefon dhe i ka krëkuar që të mos djegë mandatet, por që ajo nuk e ka dëgjuar.

E ftuar në emisionin “Të Paekspozuarit”, Kryemadhi, ka thënë se ajo është qytetare e Shqipërisë dhe nuk do të dëgjojë asnjë, se çfarë duhet të bëjë.

“Palmer më mori në telefon dhe më tha që të mos djeg mandatet, por unë se pyeta, jam qytetare e Shqipërisë. Sa palmera dhe palmolive do hyjnë në Shqipëri… Palmer po del në pension, ai nuk paguan taksat e shqiptarëve.”- ka thënë ajo.