LIGJET E BIZNESIT
Marrëveshja ndërmjet qeverisë dhe Këshillit të Ministrave të Republikës së Shqipërisë, për bashkëpunimin në fushën e arsimit është botuar në fletoren zyrtare në datën 2 mars.
Bie në sy se nga marrëveshja e arritur është futja e gjuhës turke në shkollat shqipe si lëndë e një gjuhe të huaj me zgjedhje të lirë, me qëllim një program pilot në gjuhën turke.
Neni 2. pika 9, parashikon shkëmbimin e përvojave në hartimin dhe përmirësimin e materialeve arsimore të përdorura në të dyja vendet.
Ndërkohë që në pikën e mëposhtme, sanksionohet edhe futja e gjuhës turke në shkolla. Në këtë pikë thuhet se palët do të inkurajojnë mësimdhënien si dhe nxënien e gjuhës zyrtare të palës tjetër, si dhe letërsinë dhe kulturën e palës tjetër, brenda sistemit të tyre arsimor.
Përmbatja e nenit tre:
Mësimdhënia dhe nxënia e gjuhëve zyrtare
Palët do të inkurajojnë mësimdhënien dhe nxënien e gjuhës zyrtare të palës tjetër, si dhe letërsinë dhe kulturën e palës tjetër, brenda sistemit të tyre arsimor.
Pala shqiptare synon të kryejë një vlerësim për kërkesat, për të mësuar gjuhën turke si një gjuhë e huaj si lëndë me zgjedhje të lirë, me qëllim shpalljen e një programi pilot në gjuhën turke.
Pala shqiptare do të sigurojë çdo vit kuota për pjesëmarrjen e studiuesve/studentëve turq në seminaret/kurset verore të gjuhës dhe kulturës shqiptare.
Pala turke do të sigurojë çdo vit kuota për pjesëmarrjen e studiuesve/studentëve shqiptarë në seminaret/kurset verore në gjuhën dhe kulturën turke.
