LIGJET E BIZNESIT
Kryeministri Edi Rama në vazhdën e takimeve në Krujë, bëri disa batuta duke u kërkuar qytetarëve që ta votojnë.
Rama tha se vetëm ai mund t’i shtyjë përpara projektet dhe se një gjë të tillë, po sipas tij, nuk do ta bënte dot Lulzim Basha.
“Mund të jesh demokrat, qofsh me shëndet dhe jetë, mos e duaj Edi Ramën, por nisu nga interesi jot, sepse kur e merr gomarin me ngarkuar dru, nuk e sheh nga ngjyra, por kush i ka këmbët më të forta, nuk e merr me fjetur gjumë, kështu që gjithë ky gomar këtu (drejton gishtin nga vetja).
Mund të ketë shumë arsye për të mos e parë me sy, por drutë i merr dhe i çon, kjo është pak por e sigurt, për të mbajtur ngarkesa, me ndihmën e Zotit dhe mbështetjen e gruas që e kam gjysmë nga Kruja.
I mbaj ngarkuar, kur nuk do i mbaj dot, do të them “STOP”, gjeni një gomar tjetër se deri këtu e kisha. Gomarin nuk je i detyruar me e dashur, leje te pema, lidhe” tha Rama duke bërë batuta.
