Gjendet i pajetë një person në parkingun e makinave në Tiranë, ja çfarë dyshon policia

Një tjetër lajm tronditës vjen së fundmi, por këtë herë nga kryeqyteti.

Sipas informacioneve paraprake bëhet fjalë për një 66 vjeçar, i cili është gjetur i pajetë brenda një parkingu makinash në rrugën “Siri Kodra”.

Policia bën me dije se dyshohet që vdekja të ketë ardhur për shkaqe natyrale.

“Më datë 17.03.2021, në rrugën “Siri Kodra”, në ambientet e një parkingu automjetesh, është gjetur pa shenja jete shtetasi F. V., 66 vjeç, banues në Tiranë. Nga veprimet e kryera dyshohet se vdekja ka ardhur për shkaqe natyrale”, thuhet në njoftimin zyrtar.

Ndërkohë ende nuk dihet nëse viktima ka qenë punonjës në parkingun e makinave apo person i pastrehë.