LIGJET E BIZNESIT
Aventurat e këngëtares Fjolla Morina me drejtësinë duket se nuk kanë fund.
Ajo u arratis së fundmi dhe nga banesa në Kukës, ku po vuante dënimin.
Një tjetër lajm surprizues vjen për Morinën, pasi mësohet se është martuar në fshehtësi me biznesmenin Fisnik Syla.
Sipas “Prive” dyshja i kanë thënë “PO” njëri tjetrit më 14 shkurt, ditën e të dashuruarve.
Bëhet me dije se Morina ka veshur edhe fustanin e bardhë të nusërisë për të kurorëzuar dashurinë me Fisnikun, ngjarje të cilën nuk ka dashur ta bëjë publike për fansat.
Për shkak të arratisë, Gjykata e Kukësit ndryshoi masën nga “arrest shtëpie” në “arrest me burg”.
Këngëtarja u arrestua më 19 shtator në pikën kufitare të Morinës, pasi u kap me dy armë me vete. Gjithashtu u vunë në pranga edhe biznesmeni Fisnik Syla si edhe shoferi i saj.
Para se të arratisej Fjolla Morina pranoi në gjykatë akuzën për “Trafik të armëve dhe municioneve”.
Gjatë seancës, ajo kërkoi që të gjykohet me gjykim të shkurtuar, me qëllim që në përfundim të shqyrtimit gjyqësor, të përfitojë 1/3 e uljes së dënimit.
