LIGJET E BIZNESIT
Shefja e Infektivit Najada Çomo ka folur për herë të parë pasi u propozua si kandidate për deputete e Partisë Socialiste në zgjedhjet e 25 prillit.
Gjatë mesazhit që dha, ku në krah kishte dhe kryeministrin Edi Rama i cili ia propozoi këtë ofertë, mjekja foli për vështirësite e punës në frontin e parë kundër përballjes me virusin.
Çomo u shpreh se bluzat e bardha u kanë shërbyer pacientëve sikur ti kishin familjare.
Numri një i Infektivit nuk harroi të falenderontë kreun e qeverisë për propozimin që i ka bërë.
“Faleminderit zoti kryeministër, jam e nderuar që jam këtu sot, dhe dëgjova fjalë shumë të mira për ata kolegë që janë në vijën e zjarrit. Nuk është vetëm një vit pandemik, janë vite të tëra pune, janë një armatë e tërë mjekësh, infermierësh, sanitarësh, imazheristët, që japin ndihmën e tyre, dhe kalojnë vuajtje të paimagjinueshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pse e them këtë? Pasi është hera e parë që ne ndjekim pacientë brenda spitalit pa hyrë askush brenda. Atyre njerëzve u mungon familja, kjo është diçka shumë e rëndë për ta. Ne për ata nuk kemi qenë vetëm mjek, infermier, por u shërbejmë si të ishim familjarët e tyre. Ne punojmë me ta, vuajmë me ta, te ne do gjeni shumë lotë, që shumë nga jashtë si kanë parë, dhe as do ti shohin. Lotët janë dhe për jetët e humbura brenda spitaleve Covid.
Aty nuk punohet me orare, aty ka filluar puna në 8 Mars, dhe do të mbarojë me rastin e fundit, shpeshherë pyes veten, mirë unë që e kam për detyrë, sepse e drejtoj këtë institucion, por ata njerëz që na janë bashkuar? Është e vështirë që të punosh me ta, por në punën tënde ke dhe kënaqësi profesionale”, u shpreh Çomo gjatë fjalës së saj.
