Erion Dasho akuza të forta qeverisë pas vdekjes së mjekut Husi: Kërkojini llogari Ogertës e Ramës

Eksperti i njohur i Shëndetit Publik Erion Dasho ka hedhur akuza të rënda në drejtim të  qeverisë për ndarjen nga jeta të mjekut endokrinolog Gerond Husi ditën e sotmë në Turqi.

Sipas tij, nëse vaksinat e Pfizer do të ishin administruar për 2 apo 3 ditë dhe nuk do të ishin zvarritur pa fund, ato mund të kishin shpëtuar jetën e shumë mjekëve.

Dasho shprehet se numri i vdekjeve tek bluzat e bardha në vendin tonë është më i lartë se në vendet që kanë dhjetëra herë më shumë mjekë se Shqipëria.