E vendosi të 19-in në listë/ A zu u me Ramën? Majko: Punë për ne, s’jam si Veliaj që…

Ministri për Diasporën Pandeli Majko ka komentuar vendosjen e tij i 19-ti në listën e PS për zgjedhjet e 25 prillit.

I ftuar në News24, Majko tha se të gjithë drejtuesit politik të PS-së janë në vijën e zjarrit.

“Jam bërë bashkëdrejtues, por s’do shkoj siç bën Erioni në fushatë, pasi unë mbledh vota për veten time. Dhe s’do shkoj të mbledh për kolegun tim. Prioritet i imi është njesia 5, atje ku kandidoj. Sa i përket këtyre historive; a u nervozove, apo mos u zutë? Se çfarë bëjmë ne me njëri-tjetrin, është puna jonë, por se çfarë prodhojmë ne të gjithë bashkë ky është problem për publikun shqiptar.

Ne nuk jemi duke shkruajtur ndonjë roman, jemi duke diskutuar qeverisjen e vendit për 4 vitet e ardhshme. Ne bëjmë diferencë ndaj kundërshtarëve tanë. Kundërshtarëve tanë iu kanë dhënë vende të ngrohta, drejtuesve të partive te vogla, për të krijuar një front. Ne kemi menduar që së pari që t’ju bëjmë socialistëve të ditur se kjo është situatë e vështirë, dhe s’mund të vendosim në vijën e zjarrit deputetë të rinj.”, deklaroi ministri.