E rëndë/ Aksidentohet në vendin e punës, humb jetën 61-vjeçarja (EMRI)

Një ngjarje e rëndë ka ndodhur mesditën e sotme në landfillin e Bushtatit në Shkodër.

Sipas policisë, Katrine Binaku 61-vjeçe, është aksidentuar nga makineritë teksa po kryente diferencimin e mbetjeve urbane.

“Rreth orës 10.30, në urgjencën e Spitalit Rajonal Shkodër ka mbërritur pa shenja jete, 61-vjeçarja, banuese në fshatin Paçram, Vau Dejës. Nga verifikimet paraprake rezulton se është punonjëse në landfilldin e Bushatit dhe është demtuar aksidentalisht në punë”, njoftoi policia.

Në vendngjarje ndodhet grupi hetimor dhe nën drejtimin e Prokurorisë së Rrethit Gjyqësor Shkodër dhe po vijon puna për zbardhjen e plotë të rrethanave të kësaj ngjarje, shtuan të njëjtat burime.