Në listën e kandidatëve për deputetë në zgjedhjet e 25 prillit, do të jetë dhe profesori dhe publicisti i njohur Agron Gjekmarkaj.

Ndërkohë sot kryeministri Edi Rama tha se Gjekmarkaj është prurja më e re në Partinë Demokratike, pasi nuk ka asnjë tjetër të tillë.

Sipas kreut të qeverisë vendosja e emrit të publicistit në listë nuk është një akt serioz për demokratët e Lezhës.

“Në PD nuk ka asnjë prurje të re, përveç Agron Gjekmarkajt. Natyrisht është kontribut i PD-së që largon nga klubet e natës mediatike një personazh turbullues për familjet por nuk besoj se është akt serioz për demokratët e Lezhës”, u shpreh Rama gjatë fjalës së tij.