“E ardhmja u përket guximtarëve” Meta tregon dobësinë për gratë, ja urimi i veçantë për 8 Mars

Nuk ka munguar as urimi i presidentit Ilir Meta sot me rastin e Ditës së Gruas.

Ai ka ndarë një fotografi  ku shfaqet në krah të Flora Toto, Drane Cara dhe Vezire Meta, të cilat kanë hyrë në historinë e aviaconit shqiptar, pasi ishin të parat femra që thyen tabunë duke u hedhur me parashutë.

Meta shprehet se vetëm me promovimin dhe mbështetjen e grave vendi mund të jetë edhe më i bukur.

REAGIM I PLOTE I PRESIDENTIT ILIR META

GËZUAR 8 MARSIN! E ARDHMJA U PËRKET GUXIMTAREVE!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Me rastin e Ditës Ndërkombëtare të Gruas, pata sot kënaqësinë e  veçantë të takoja tre gra guximtare, simbole të kurajos dhe energjisë së pashtershme, Flora Toto, Drane Cara dhe Vezire Meta, të cilat së bashku me shoqen e tyre Polikseni Vjeshta, kanë hyrë në historinë e aviacionit shqiptar, si të parat femra, të cilat 53 vite më parë thyen një tabu për kohën, duke u hedhur me parashutë.

Pedagoge dhe mësuese të përkushtuara të edukimit fizik për dekada ato kanë dhënë një kontribut të vyer për kalitjen sportive të brezave të rinj, duke e ruajtur edhe sot energjinë dhe entuziazmin e atyre viteve.

Ndaj së bashku me Florën, Dranen dhe Veziren dua të ndaj sot një urim të përzemërt për çdo nënë, grua, vajzë dhe motër shqiptare: GËZUAR 8 MARSIN!

Vetëm me mbështetjen dhe promovimin e vajzave dhe grave, krijimin e çdo hapësirë për të qenë të lumtura e të realizuara në jetë, duke ju garantuar mundësi për të konkurruar denjësisht në jetën profesionale e publike dhe pa lejuar keqpërdorimin e tyre nga politika, Atdheu ynë i përbashkët do jetë edhe më i bukur, më i dashur dhe më frymëzues.

E ardhmja u përket Guximtareve!