LIGJET E BIZNESIT
5 persona kanë rënë në prangat e policisë për vepra të ndryshme penale.
Kështu në vijim të operacionit “Arrameras”, specialistët për Hetimin e Krimeve në Komisariatin e Policisë Krujë, arrestuan për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, shtetasin H. C., 30 vjeç, banues në Thumanë, pasi ka blerë një motomjet të vjedhur nga personat e arrestuar në kuadër të këtij operacioni.
Po ashtu specialistët për Hetimin e Krimeve në Komisariatin e Policisë Durrës, arrestuan në flagrancë shtetasit :
Sh. H., 46 vjeç, banues në Kamëz, Tiranë, pasi u konstatua nga shërbimet e Policisë në lagjen nr.15, Durrës, duke vjedhur në banesën e shtetasit V. M;
A. M,. 40 vjeç, pasi u konstatua nga shërbimet e Policisë në lagjen nr.13, Durrës, duke vjedhur disa vegla pune, në garazhdin e shtetasit Sh. J.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Krujë, policia arrestoi në flagrancë shtetasin A. M., 40 vjeç, banues në Tiranë, pasi ka ushtruar dhunë fizike dhe psikologjike ndaj bashkëshortes së tij.
Specialistët e Qarkullimit Rrugor në Drejtorinë e Policisë Durrës, arrestuan në flagrancë shtetasen A. K., 39 vjeçe, banuese në Durrës, dhe u procedua penalisht shtetasi B. S., 49 vjeç, banues në Durrës, pasi në Hamallaj, shtetësja A. K., duke drejtuar mjetin tip “Audi”, ka goditur mjetin motorrik, bujqësor, që drejtohej nga shtetasi B. S., që si pasojë e përplasjes është lënduar dhe ndodhet nën kujdesin e mjekëve.
Materialet i kaluan Prokuroris së Rrethit Gjyqësor Krujë dhe Prokurorisë së Rrethit Gjyqësor Durrës, për veprime të mëtejshme.
