“Duhet t’u kërkoje falje grave e vajzave që ke dhunuar e bullizuar”/ Floriana Garo i kërkon llogari Ramës

Zëdhënësja e fushatës së Partisë Demokratike, ish-moderatorja Floriana Garo, i përgjigjet sërish kryeministrit Edi Rama.

Në një deklaratë nga selia blu, ajo thekson se e vetmja gjë që duhet të bënte sot kreu i qeverisë Rama, është t’u kërkonte falje atyre grave e vajzave që ka dhunuar, bullizuar e ofenduar.

Midis të tjerash, Garo deklaron se është koha që vajzat e gratë shqiptare të marrin vendin që atyre u takon, mbrojtjen që meritojnë si dhe dinjitetin që u është shkelur.

Reagimi i zëdhënëses së fushatës së PD:

Zoti Rama, të vetmen gjë që duhet të bëje sot ishte t’u kërkoje falje atyre grave dhe vajzave që ke dhunuar, bullizuar, ofenduar e tallur. Imagjino sikur ajo të ishte vajza juaj!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Është koha që vajzat dhe gratë shqiptare do të marrin vendin që u takon, mbrojtjen që meritojnë nga çdo sjellje e padenjë ndaj tyre dhe dinjitetin që u është shkelur këto vite. Koha juaj ka mbaruar, zoti Rama. Vajzat dhe gratë shqiptare meritojnë një kryeministër që i respekton dhe punon për to. Dhe ky është Lulzim Basha.