“Do na mungojë këshilla e një miku të veçantë” Homazhet për Bashkim Finon, Taulant Balla jep mesazhin prekës

Pas homazheve që ka kryer në Pallatin e Kongreseve në nder të deputetit Bashkim Fino, ka folur dhe numri dy i Partisë Socialiste Taulant Balla.

Ai ka dhënë një  mesazh prekës ku kujton me dhimbje mikun e tij që humbi jetën.

“PS humbi sot një njeri tepër të veçantë i cili në 26 vitet e fundit ka një kontribut të veçantë si një kryetar bashkie model dhe më pas mori përsipër të drejtonte qeverinë e pajtimit kombëtar që ka një meritë të veçantë dhe më pas si zv/kryeministër.

Pas vitit 2005 ka qenë anëtar i grupit tonë parlamentar duke përfaqësuar Divjakën, Korçën dhe Lushnjen. Fjalët për Bashkimin sot janë të pakta.

Ajo që do na mungojë gjithmonë është një këshillë e një miku të veçantë. Betejat fitohen por edhe nuk fitohen. Edhe pse e kaloi një pjesë të betejën me C OVID-in nuk e çoi dot deri në fund. Sfida jonë është që betejën me C OVID ta çojmë deri në fund”, tha Balla.