Basha mbas tre takimeve në Vlorë, Kamëz dhe Marikaj: Zotohem se do të sjell ndryshimin dhe antarësimin e Shqipërisë në BE

Mbas disa takimeve që ka kryer në qytete të ndryshme, kreu i PD, Lulzim Basha është zotuar ditën e sotme se do të bëjë të mundur futjen e Shqipërisë në BE.

Gjithashtu ka deklaruar se si qytetarët i kanë konfirmuar faktin se Shqipëria është në pritje të një ndryshimi dhe me kryeministrin Rama vendi s’mund të vazhdojë më. Ndaj ai ka bashkuar forcat për ta risjellë ndryshimin e shumë pritur, ku të gjithë së bashku do të bëjnë të mundur që Shqipëria të fitojë.

STATUSI NGA LULZIM BASHA

Sot në Vorë, Kamzë e Marikaj çdo qytetar që takova më konfirmoi se Shqipëria kërkon ndryshim, sepse Shqipëria ka nevojë urgjente për ndryshim. Nga çdo qytetar që takova dëgjova të njëjtën bindje: pas 8 vitesh me Ramën, vendi nuk mund të vazhdojë kështu. Të njëjtën bindje se ne duhet të ndryshojmë dhe koha është tani.

Në Vorë, në Kamzë, në çdo shtëpi që hyra, në çdo rrugë që kalova mora mesazhin e qartë se janë pikërisht qytetarët ata që do ta sjellin ndryshimin me votën e tyre më 25 prill. Prandaj ne jemi bashkuar për ta sjellë këtë ndryshim dhe për të nisur punën për qytetarët shqiptarë dhe për ta futur Shqipërinë në Bashkimin Europian.

Më 25 prill, të gjithë së bashku do të sjellim ndryshimin dhe Shqipëria do të fitojë!