Basha flet për herë të parë pas publikimit të listave: Ja çfarë bëri PD me aleatët

Kryetari i Partisë Demokratike, Lulzim Basha ka folur për herë të parë në lidhje me listën e PD e cila përfundoi hartimin një ditë më parë dhe u miratua.

Sipas Bashës, lista e PD është ajo e fitores, ndryshimit dhe e normalitetit. Ai shton se me listën e PD, së bashku me aleatët dhe LSI fillon edhe marshimi drejt 25 prillit.

”Listë ndryshimi, listë fitoreje, listë për normalitetin. Për t’i dhënë fund ngecjes 8-vjeçare të Shqipërisë. Me përkushtim të vërtetë qytetar, me ndërthurje, sukses profesional dhe dëshirës.

Këto kanë qenë dhe kriteret e procesit transparent. Kanë marrë pjesë mijëra kandidatë, demokratë. Dua t’i falënderoj. Janë tregues i potencialeve që PD disponon. Janë në funksion të ndryshimit që po vjen. 25 prilli do jetë dita e nisjes së ndryshimit. Në takimet që kam bërë, gjatë gjithë këtyre ditëve, gjatë javës së ngarkuar të hartimit të listave.

Ju shpreh se me listën e miratuar dje PD së bashku me aleatët dhe LSI finalizojnë hapat e fundit përgatitorë dhe nisim marshimin drejt 25 prillit. Ditës së ndryshimit, bashkë për ndryshimin, bashkë për fitoren. Të çdo shqiptari. Ky ka qenë motivi, dhe kjo është e vërteta që përshkon listën e PD në çdo qark nga fillimi deri në fund. Problemet e vendit janë shumë të mëdha. Janë përkeqësuar nga viti në vit.”- tha Basha.