Aksidenti tragjik/ Përplasja e 3 makinave në Rrogozhinë, shkon në tre numri i viktimave

Shkon në tre numri i viktimave nga aksidenti masiv që ndodhi sot në mëngjes në Rrogozhinë.

Personi që ka humbur jetën është Bajram Koni, bashkëshorti i pasagjeres Merushe Koni, që vdiq gjatë rrugës për në spitalin e Durrësit.

I ndjeri ndërroi jetë në spitalin e Traumës në Tiranë, ku ishte dërguar për shkak të gjendjes së rëndë shëndetësore.

Mësohet se në gjendje të rëndë është dhe një fëmijë  10-vjeçar që po ashtu ka mbetur i plagosur gjatë aksidentit, ku u përplasën tre mjete.

Nga aksidenti i rëndë ndërroi jetë në vendin e ngjarjes, punonjësi i policisë së burgjeve, Tonin Mëhilli, 54-vjeç, ndërkohë që më vonë vdiq dhe një prej pasagjereve në mjetet e aksidentuara, Merushe Koni 60-vjeç.

Shkak për aksidentin dyshohet të jetë bërë një parakalim i gabuar i mjeteve, ndërsa policia ka shoqëruar në polici një prej shoferëve, Endrit Lilën dhe po punon për zbardhjen e plotë të ngjarjes.