Akrepat do shkojnë 60 minuta para/ Bëhuni gati, kjo është dita kur do të ndryshojë ora

Pas shumë diskutimesh edhe këtë vit, Europa do të kryejë ndryshimin e orës.

Duke nisur nga orët e para të mëngjesit të kësaj të diele, do të flemë 60 minuta më pak nga ajo që jemi mësuar prej muajsh.

Ky ndryshim do të vlejë deri në datë 31 tetor.

Janë muajt prill dhe tetor, ata të cilët na bëjnë ta kemi më shumë nevojën e këtij ndryshimi.

Lëvizja e akrepave të orës, 1 herë para dhe 1 herë pas është realizuar prej vitesh për arsye se qeveritë kanë dashur të kursejnë energjinë elektrike, duke shfrytëzuar më shumë ditën.

Kujtojmë se së fundmi po diskutohet ndërprerja e këtij vendimi dhe janë realizuar disa peticione në shtete të ndryshme, pasi ndryshimi i orarit ndikon ndjeshëm tek produktiviteti i njerëzve dhe çekuilibron orën biologjike.