24 vite nga tragjedia e Otrantos, humbën jetën 81 persona

Sot bëhen 24 vite nga Tragjedia e Otrantos e ndodhur më 28 mars 1997, ku anija shqiptare “Katri i Radës”, u përmbyt në Ngushticën e Otrantos nga forcat detare italiane.

142 persona ndodheshin në bordin e anijes, nga ku 81 humbën jetën dhe vetëm 61 mbijetuan. Nga viktimat, 24 trupa nuk u arritën të gjendeshin kurrë.

Eksodi i madh i emigrantëve shqiptarë drejt Italisë kishte kohë që kishte nisur dhe në vitet e trazuara të 1997 largimet me anije ishin të shpeshta drejt vendit fqinj.

Për të shmangur hyrjen ilegale të emigrantëve, forcat detare italiane proceduan në mënyrë të menjëhershme për të bllokuar anijen, por gjatë proceduarës anija italiane ‘Sibilla’ u përplas me ‘Katrin e Radës’ duke e mbytur atë.