“Variantet e reja të virusit mund të kenë hyrë në Shqipëri” Manastirliu bën deklaratën e fortë: Po presim përgjigjet

Ministrja e Shëndetësisë Ogerta Manastirliu është shprehur gjatë konferencës së sotme se ka dyshime të forta që në Shqipëri qarkullojnë dhe variante të reja të C OVID19.

Ajo u shpreh se rritja e rasteve, kryesisht të reja por dhe riinfektimet tregojnë se mund të kemi dhe persona të infektuar me variantet e reja, por kjo do të vërtetohet pas marrjes së rezultateve nga laboratori i Berlinit.

“Ka një trend të lartë, që ekspertët vlerësojnë se është i pritshëm dhe probabilisht me qarkullimin e mutacionevce të reja.

Kemi dyshime të arsyeshme për qarkullimin e varianteve të reje, pasi shohim që të rinjtë janë më të infektuar. Kemi raste të riinfektimeve. Këto janë arsye që i çojnë ekspertët në dyshimet për variantet e reja. Pra kemi të bëjmë me këto dyshime të arsyeshme.

Jemi në pritje për analizat nga laboratori i Berlinit për të vërtetuar nëse këto dyshimet tona do të rezultojnë të vërteta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Rritja ka edhe disa shkaqe të tjera, që lidhet me moszbatimin e masave, me grumbullimin e familjarëve si dhe me fluksin e qytetarëve në disa vende”, tha ndër të tjera Manastirliu.