U shkarkua nga detyra para kohe, Bardhyl Kollçaku fiton gjyqin me ministrinë e Mbrojtjes dhe Metën

Ish-shefi i shtabit të Përgjithshëm Bardhyl Kollçaku fiton gjyqin me presidentin e Republikës Ilir Meta dhe ministrinë e Mbrojtjes në lidhje me shkarkimin e tij të parakohshëm nga detyra.

Mësohet se Gjykata Administrative i ka dhënë të drejtë Kollçakut, por nuk ka pranuar rikthimin në detyrë.

Kollçaku kishte kërkuar të shfuqizohej dekreti i presidentit Meta që si ka dhënë atij gradën madhore Gjeneral Brigade.

Po ashtu, edhe shfuqizimin e dekretit të presidentit që e ka nxjerrë atë në lirim. Përkatësisht “Shfuqizimin e Dekretit nr. 11571 date 29.7.2020 te Presidentit të Republikës së Shqipërisë, për lirimin e Gjeneral Brigade Bardhyl Myrteza Kollçaku nga detyra e Shefit të Shtabit të Përgjithshëm të Forcave të Armatosura të Republikës së Shqipërisë dhe nxjerrjen në lirim nga shërbimi aktiv në Forcat e Armatosura.

Kollçaku kërkon që atij t’i paguhet paga nga 29 korriku deri në 29 gusht, ditë në të cilën i mbaronte mandati, ndërsa kërkon që nga data 29 gusht kur i përfundonte ligjërisht mandati të paguhet me pagën sipas gradës Gjeneral Major, deri në emërimin e tij në funksionin sipas gradës.

Bardhyl Kollçaku i la vendin Bajram Begaj në 30 qershor të vitit 2020, pas tre vitesh në detyrë si Shef i shtabit të Forcave të Armatosura.