U arrestua nga SPAK/ Kush është Enkeleda Hoxha, gjyqtarja e shumëpërfolur që liroi të dënuarit përjetë

Një nga lajmet më të bujshme mesditën e sotme është ai i arrestimit të gjyqtares së njohur Enkeleda Hoxha.

Emri i saj lidhet me lirimin nga burgu të disa të dënuarve, me anë të vendimeve të dyshimta, përpara se të përballej me Vettingun.

Gjyqtarja e Krujës u ka hapur dyert e burgut për ti liruar, ish-numrit dy të bandës së Durrësit Endrit Dokle, duke i hequr dënimin përjetë, Genc Tafilit, i dënuar për vrasjen e komisarit të Policisë Arben Zylyftari si dhe Ilir Pajës, të cilit i kishte mbetur mbi një vit dënim.

Sipas Inspektoriatit të Lartë të Drejtësisë janë 6 vendime të marra nga gjyqtarja Hoxha në harkun kohor nga maj 2017- shkurt 2019, përbëjnë akte që diskreditojnë pozitën dhe figurën e gjyqtarit, ndërkohë që në kërkesë thuhet edhe se gjyqtarja ka zhvilluar procese gjyqësore tërësisht të njëanshme dhe në kundërshtim flagrant me dispozitat materiale dhe procedurale penale.

Kujtojmë se pasi liroi nga burgu Endrit Doklen, ministrja e Drejtësisë Etilda Gjonaj kërkoi pezullimin nga detyra të gjykatëses.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern