Sot ora e re policore/ Shqipëria mbyllet më herët, masat që duhet të ndiqni për dy javët në vazhdim

Duke filluar që sot (11 shkurt) do të hynë në fuqi masat e reja shtrënguese anti- C OVID19 që Komiteti Teknik i Ekspertëve caktoi dje për të bërë të mundur parandalimin e mëtejshëm të virusit.

Kështu, Shqipëria do të mbyllet nga ora 20:00 deri në 06:00.

Gjatë këtij orari nuk do lejohet qarkullimi si dhe aktivitetet e bareve dhe restoranteve, me përjashtim të shërbimit delivery (shpërndarjes në banesa).

Masat e reja do të qëndrojnë në fuqi për dy javë, deri më 25 shkurt.

Nisur nga fakti që ka pasur një ulje të grupmoshave të infektuara, është marrë vendimi që shkollat e mesme në 10 bashki, “zonat e kuqe, të zhvillohet online, e ndërsa për Universitetet do të zgjatet sezoni i provimeve, por nuk do të ketë rikthim në auditore.

MASAT E REJA:

– Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania) për një afat 14 ditor, duke filluar nga dita e enjte, datë 11 Shkurt – 25 Shkurt.

– Ndalimi i aktiviteteve të bareve, restoranteve, klubeve, nga ora 20:00 e mbrëmjes – 06:00 të mëngjesit (me përjashtim të shërbimit delivery), duke filluar nga dita e enjte, datë 11 Shkurt – 25 Shkurt.

– Nisur nga rritja e rasteve të infektimeve të reja në grupmoshën 15-24 vjeç, shkollat e mesme do të aplikojnë skenarin e tretë, pra atë online ne zonat e riskut të lartë, ku përfshihen bashkitë: Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz, për periudhën 11 shkurt – 26 shkurt.

– Sezoni i provimeve për universitetin do të zgjatet, për të siguruar kombinimin e provimeve online dhe në auditor, për lëndët që kërkojnë prezencë, sipas vlerësimit të MASR, duke zbatuar rreptësisht protokollet AntiC ovid.