“S’ke by**ë ti, të na ikësh ne” Shkeli orën me 10 minuta, policët i bëjnë ‘zbor’ qytetarit në Tiranë (VIDEO)

Ditë më parë Komiteti Teknik i Ekspertëve zhvilloi një mbledhje, ku për shkak të shifrave në rritje të të infektuarve me C OVID19, ndryshuan dhe fashat orare.

Kështu, për dy javë nuk do të lejohet qarkullimi dhe aktivitetet e bizneseve pas orës 20:00.

Ndërkohë kreu i FRPD Blendi Këlliçi ka publikuar një video ku dy punonjës policie shtrijnë në tokë dhe dhunojnë një qytetar, për shkak se ka shkelur orën policore.

Sipas tij, qytetari në fjalë është identifikuar si Festim Peza dhe ishte duke u kthyer në banesën e tij pas një dite të lodhshme pune.

Në pamje shihen efektivët që e kanë shtrirë në tokë qytetarin, dhe në një moment i thonë “s’ke b**ë të na ikësh ne, mos lëviz prej aty”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Këlliçi nga ana e tij kërkon që të procedohet efektivi i Policisë që ka dhunuar qytetarin.

“Festim Peza po kthehej në shtëpi pas një dite pune të lodhshme. Ora shënon 22:10. Patrulla e ndalon përpara shtëpisë, e shtrin përtokë, e godet, në fund i heqin dhe patentën për 3 vjet.

Të rrahin, të heqin edhe bukën e gojës! E gjitha kjo për 10 minuta vonesë ndaj orës policore të përcaktuar nga Edi Rama me një akt-normativ. I bëj thirrje autoriteteve, të procedojnë konform ligjit dhe rregullores, efektivin në video.Ndalni dhunën!”, shkruan Këlliçi teksa poston videon.