LIGJET E BIZNESIT
Ditën e sotme Gjykata e Apelit në Tiranë ka vendosur të lirojë nga burgu infermieren Ronida Hysi.
Kjo e fundit akuzohet se i zbrazi llogarinë pacientit që ndërroi jetë nga C OVID19 në spitalin Infektiv.
Ndërkohë togat e zeta ka caktuar për të masën e sigurisë “arrest në shtëpi”.
Ky vendim është marrë për arsye se 30 vjeçarja ka një fëmijë të mitur 2 vjeç.
Sipas dosjes hetimore, kamerat e sigurisë të një bankomati në QSUT kanë kapur në orën 08:00 të mëngjesit të datës 25 dhjetor “një vajzë me flokë të kapura, që kishte probleme me të ecurën në këmbën e majtë që kishte kryer veprime me kartën e pacientit Kamber D.”.
Prokurorët kanë administruar pamjet e kamerave të sigurisë së Infektivit ku në orën 07:53 duket duke dalë nga ambientet e spitalit e njëjta vajzë që është parë 7 minuta më vonë tek bankomati në QSUT.
Pasi kanë bërë krahasimet dhe kanë marrë regjistrimin e personave që ishin në shërbim në turnin e tretë tek Infektivi gjatë natës së datës 24 dhjetor, prokurorët kanë konstatuar se e dyshuara ishte pikërisht Ronida Hysi.
Në dosje shkruhet se kur është marrë në pyetje, Ronida Hysi nuk ka mohuar përdorimin e kartës së pacientit duke thënë se portofolin e kishte gjetur në ashensorin e repartit Infektiv gjatë punës ku aty brenda ishte edhe kodi PIN.
