LIGJET E BIZNESIT
Fushata zgjedhore nuk ka nisur ende dhe partitë nuk i kanë zyrtarizuar kandidatët e tyre, por lufta politike vazhdon të mbetet e ashpër, kur duhen edhe më pak se 3 muaj nga zgjedhjet parlamentare.
Zv.ministri i Mbrojtjes Petro Koçi ka publikuar në rrjetet sociale një document ku tregohet se firma “Gjallica” ka sponsorizuar Partinë Demokratike me 50 mijë dollarë.
Dokumenti mban datën 26 janar 1996, disa muaj para zgjedhjeve parlamentare të 26 majit, ku Partia demokratike mori një fitore të thellë, pasi siguroi 122 nga 140 deputetë.
Firma “Gjallica” ishte një nga firmat e skemave piramidale, e cila u krijua nga 3 ish-efektivë të Sigurimittë Shtetit me origjinë nga Kukësi. Presidente e kësaj firme ishte Shemsie Kadria, ndërsa qendrën e kishin në Vlorë. “Gjallica falimentoi në 29 mars 1997, duke iu vjedhur rreth 70 mijë shqiptarëve një shumë prej 332 milionë dollarësh.
Pas falimentimit të saj në Vlorë plasën protesta të dhunshme që më pas u kthyen në rebelim kundër qeverisë Berisha, protesta që më pas u përhapën në të gjithë vendin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
