Problemi i akumulimit të ujit në trup/ Shkaktarët dhe trajtimi në mënyrë natyrale

Të gjithë e dimë që rreth 70% e trupit përbëhet nga uji i cili akumulohet në brendësi dhe në pjesën e jashtme të qelizave.  Uji mund të akumulohet në inde, sistemin qarkullues si dhe në shumë zona të tjera të trupit.

Por cilat janë simptomat e akumulimit të tepërt të ujit në organizëm?
Simptomat e akumulimit të tepërt përfshijnë ngurtësim të kyçeve si dhe pezmatim të lëkurës. Mund të themi se simptomat shfaqen kryesisht në zonën ku uji është akumuluar më shumë në trup.

Ato përfshijnë:
Humbje të pigmentit të lëkurës,
Edemë në lëkurë,
Dhimbje kyçesh dhe nyjesh,
Ngurtësim nyjesh
Shtim në peshë.

Si ta trajtoni
Trajtimi për akumulimin e lëngjeve në organizmin e njeriut bëhet në varësi të disa faktorëve. Një mjek mund të ofrojë medikamente të ndryshme të cilat e zgjidhin më së miri këtë problem. Një nga këto raste është edhe ai i diuretikëve që nxisin urinimin për të zgjidhur problemin e akumulimit të lëngjeve. Medikamente të tilla gjithashtu kanë tendencën të nxisin veshkat të eliminojnë ujin e tepërt nga gjaku.

Por kujdes, pasi diuretikët kanë kufizime në përdorim. Përdorimi i tepërt i tyre për një kohë të gjatë mund të shkaktojë dehidratimin, dëmtimin e veshkave dhe përkeqësimin e situatës. Akumulimi i ujit në organizëm mund të ndodhë edhe si pasojë e një problemi me zemrën. Për shembull, nëse ka një problem me të si pasojë e një ndryshimi në tensionin e gjakut, uji akumulohet më shumë seç duhet në organizëm. Akumulimi i lëngjeve si pasojë e një problemi me zemrën mund të shkaktojë enjtje të gjymtyrëve apo edhe në mushkëri.

Nëse kjo ndodh, atëherë pacienti ka vështirësi në frymëmarrje,  mund të ketë një kollë të vazhdueshme. Ka raste të tjera kur niveli i ujit në trup rritet si pasojë e një problemi me veshkat. Veshkat zakonisht eliminojnë çdo mbetje të prodhuar nga trupi. Megjithatë, kur qarkullimi i gjakut në veshka ndikohet negativisht duke penguar punën e tyre.

Dëmtimi i veshkave mund të nxisë akumulimin e tepruar të ujit në organizëm dhe të shtojë pamundësinë e trupit për ta nxjerrë atë jashtë. Niveli i ujit në organizëm mund të mbahet nën kontroll nëpërmjet ushqyerjes së shëndetshme. Ekspertët thonë se njerëzit duhet të kufizojnë kripën, të marrin më shumë magnez nga fasulet, arrorët, drithërat e plota dhe barishtet si dhe të konsumojnë më shumë ushqime të pasura me vitaminën B6.