Pas Tom Doshit/ Edhe PS bën veprimin në KQZ, ja kërkesa e forcës më të madhe politike në vend

Zhvillime të reja në selinë rozë dy muaj para zgjedhjeve elektorale.

Mësohet se Partia Socialiste ka vendosur të depozitojë në KQZ kërkesën për të qenë pjesë e zgjedhjeve të 25 prillit.

Kujtojmë se ky veprim i forcës më të madhe në vend vjen një ditë pas partisë së Tom Doshit, i cili po ashtu kërkon të marrë pjesë në këtë proces.

Ndërkohë që deri më tani Partia Demokratike dhe LSI kanë depozituar kërkesat e tyre.

PD e ka depozituar pasi ka mbledhur 5 mijë firmat e nevojshme për t’u regjistruar në KQZ, për shkak se nuk është një parti parlamentare, pas djegies së mandateve në 2019-tës.

Njëkohësisht me PD-në kanë në dërguar kërkesë në KQZ edhe 8 parti të tjera. Dy prej të cilëve aleatë të Bashës, ajo e Fatmir Mediut Partia Republikane dhe LZHK-ja e Dashamir Shehit.

Konkretisht, PD, PR, LZHK, Aleanca Demokristiane, PAA, Partia Bashkimi Demokrat, Lëvizja e Re (LRE), PKD, Partia Aleanca Demokracia e Re i kanë çuar kërkesë KQZ për regjistrimin e tyre, ndërsa nuk dihet se kur do të shqyrtohet nga KQ kërkesa e tyre.

Pak ditë më parë KQZ regjistroi 10 partitë e para të zgjedhjeve parlamentare të 25 prillit., mes tyre partia e Jozefina Topalli me Lëvizja për Ndryshim, Myslim Murrizi me Partinë Lëvizja Demokratike Shqiptare dhe Astrit Patozi me partinë Bindja Demokratike.