“Nuk e lë miza rehat gamorin e shkretë”/ Rama batuta për Bashën: Do lyejë flokët e do i bëjë me xhel

Edhe këtë të mërkurë nuk kanë munguar batutat mes kryeministrit Edi Rama dhe rivalit të tij politik Lulzim Basha.

“Fëmijët shkojnë sot në shkollat më të bukura të Shqipërisë. Po kthehet për mirë. Mirë tërmeti e mirë COVID, por se lënë as mizat gamorin e shkretë. Po i thoja atij në Durrës që e imagjinon që gjysmë ore pas tërmetit të vijë Luli këtu. Luli është gjumë. Do veshë këpucët, do bëjë flokët me xhel ka ardhur dreka Pastaj do hajë drekë e do dalë pak në televizor”, tha Rama.

Teksa po fliste me banorët që kishin hyrë në shtëpinë e re, të rindërtuar nga tërmeti i 26 nëntorit, kreu i qeverisë bëri të ditur se përse e kërkon mandatin e tretë qeverisës. Sipas tij mandati i tretë i duhet PS për të vazhduar më tej betejat që kanë nisur me procesin e rindërtimit, vaksinimit dhe pandeminë.

“Të marrësh të bësh triko duke shkepur e duke qepur është më e vështirë se të nisësh nga fillimi. Se thonë pse e doni mandatin e tretë. Mandatin e tretë e duam për të vazhduar betejat që kemi nisur, me pandeminë me infektimet. Betejën me shëndetësinë që ta bëjmë si duhet në të gjitha drejtimet.

Fshatrat kanë nevojë për punë shumë. Ka fshatra që janë pak larg dhe kanë nevojë për punë. Për të gjitha këto arsye do vazhdojmë punën. Rëndësi ka që çfarë vjen për keq, ta kthesh për mirë. Tërmeti erdhi për keq, dhe për ju u kthyer për mirë. Se tani keni një shtëpi që nuk do e kishit bërë dot kurrë vetë”, u shpreh Rama.