“Mos na bëj kot si profesor” Plas sherri mes deputetit dhe Shabanit: Po gënjen, tërhiqe deklaratën ose kërko falje

Pak ditë më parë ambasadorja e SHBA në vendin tonë Yuri Kim u bëri thirrje liderëve të politikës që të mos përfshijnë persona me të shkuar kriminale dhe probleme me drejtësinë në listat e kandidatëve për deputete.

Ndërkohë kryeministri Rama tha se partitë nuk janë drejtori policie dhe të gjithë mbajnë përgjegjësi për veten e tyre, nëse do të shkojnë para drejtësisë ose jo për deklarata të rreme.

Ndërkohë që kjo temë po diskutohet në “Open” dhe një nga krerët e Nismës thurje, Endri Shabani duke sulmuar kryeministrin, tha se kreu i Bashkisë në Kavajë që kishte probleme me ligjin u bë kryetar i PS, po në Kavajë.

Sipas deputetit të PS, Alket Hyseni kjo është një gënjeshtër e madhe dhe i ka kërkuar me ngulm Shabanit që të kërkojë falje.

PJESE NGA BISEDA NE STUDIO

Zyla: Mos na bëj si profesor kot.

Shabani: Unë jam profesor, ke ardhur për zhurmus ti?

Zyla: Unë zhurmues?

Shabani: Ajo që mendoj unë se pse është parti shtet është sepse Rama i kontrollon të gjitha pushtetet. Ka në dorë policinë, SHISH-in, të gjitha instrumentet. E zëmë se është njeriu më naiv, si ka mundësi që kryetari i Bashkisë në Kavajë ikën dhe bëhet kryetari i PS në Kavajë?!

Hyseni: Po gënjeni, tërhiqe deklaratën kërko falje!

Shabani: Po të bëj një pyetje, mbase nuk është…

Hyseni: Aaa mbaseeee, kërko falje dhe s’më bën dot pyetje mua se po gënjeni!

Shabani: E lëmë këtë, vazhdojmë me diçka tjetër.

Hyseni: Ti s’ke prova.

Shabani: Unë mendoj në bindjen time që Rama është marrë peng nga ky sistem. Dhe Rama ka filluar duke iu imponuar njerëzve me dhunë dhe para, nga ata të fortit e zonës dhe atyre që kanë para. Një lider i tillë që nuk frymëzon më nuk qeveris dot më.