Mos guxoni t’i shkruani këtyre 5 njerëzve për Shën Valentin

Ju kuptojmë shumë mirë. Po vjen Shën Valentini ndërkohë që jemi në mes të një pandemie. Të dnihesh vetëm është shumë normale, prandaj gjasat për të menduar dikë që s’duhet ta mendosh janë të mëdha. Krejt papritur të lind nevoja për të shkruar, por siç mund t’jua kenë thënë dhe të tjerë, ka disa njerëz që nuk meritojnë asnjë mesazh nga ju përveçse “mirupafshim”. Para se të shkruani mesazhin të ndikuar nga malli, melankolia apo thjesht ndjesia e vetmisë për 14 shkurt, kujtoni se në fund thjesht do të humbisni kohën.

Më mirë, fshini nga lista gjithë kategoritë e njerëzve më poshtë:

1. “Ai/ajo është perfekt/e, por…”

Eshtë gjithnjë dikush që ka gjithë cilësitë e mira, por ka një element shumë të madh që prish ekuilibrin. Përshembull ai është perfekt në shtrat, por ka një lloj pune e cila nuk i lë kohë për asgjë tjetër. Ose përshembull, ju e ndjeni që ata janë besnikë ndaj jush, por fatkeqësisht janë në mes të një divorci problematik. Më mirë, mos i shkruani.

2. Esktremistët

Nga njëra anë ata janë njerëzit më të dashur në botë dhe të bëjnë të ndihesh për pak minuta si vajza/djali më e/i veçantë në botë. Në një minutë tjetër ti s’i njeh më. Ka diçka në sjelljen e tyre që të largon dhe paralajmëron që gjërat s’po shkojnë siç duhet.

3. Ata me të cilët e dini që s’ka një përfundim

Ju e dini që me ta s’keni asnjë të ardhme. Ti mund të jesh duke e menduar gjithë kohës, e do pranë, por për një arsye apo tjetër historia me të s’ka një fund të lumtur. Mos i shkruani, vetëm do humbisni kohë dhe nerva.

4. Lojëtari

Thënë ndryshe “tradhtari”. Eshtë ai që të suprizon në 4 të mëngjesit me një mesazh të ëmbël, por është po ai të cilin mund ta shohësh në një bar krejt papritur tek flirton me një tjetër. Do të jetë po e njëjta histori, kështu që mos u lodh.

5. Ai/ajo që është më i mirë seç duhet

Ti mund të kesh qenë duke dalë apo në një marrëdhënie me të sepse nuk gjen asnjë të metë tek ai njeri. S’ka asgjë që s’shkon me ta, por thjesht nuk emocionohesh sa do të doje kur je pranë tyre. Në vend që t’i shkruash, jepi vetes pak kohë për një tjetër opsion që do të të shkaktojë flutura në stomak. Të paktën kështu asnjë nga palët nuk lëndohet në fund.

Burimi: Cosmopolitan