Ministrja Kushi “në krah” të studentëve/ Të zgjatet sezoni, të mos penalizohen studentët

Ministrja e Arsimit Evis Kushi, ka bërë të ditur se ka kërkuar ga Komiteti Teknik i Ekspertëve që të rishqyrtojë mundësinë e zgjatjes  së sezonit të provimeve për studentët. Kjo, pasi sipas saj studentët do të kenë më shumë kohë për tu përgatitur. Ministrja theksoi se mungesat nuk duhet të penalizojnë studentët. Ajo vijoi më tej duke thënë se kur testi nuk zhvillohet dot online, të bëhet në auditor.

“I jam drejtuar Komitetit për sezonin e provimeve. Do kërkoja nga të gjitha universitetet, që në ato raste kur provimi nuk zhvillohet dot online, provimi të zhvillohet në auditorë, duke respektuar protokollet ndaj Covid. Universitetet të shohin mundësinë që t’ju japin të drejtën studentëve që të marrin pjesë në sezon ose jo.

Të ofrohet mundësia e një sezoni shtesë të ndërmjetëm. Kohëzgjatja e sezonit të jetë më shumë se 45 ditë, që të parandalohet mbipopullimi i universiteteve. Mungesat të mos penalizojnë studentët që bëjnë mësim online. Jo më shumë se 15 studentë në auditorë. Të mbahet maska”, u shpreh ministrja.