Meta shfaq një bindje të frikshme: Marrëveshje politike në këtë tokë mes meje dhe Ramës nuk do të ketë më kurrë

Presidenti i Republikës së Shqipërisë, Ilir Meta ka deklaruar në mënyrë të prerë se nuk do të bëjë asnjëherë koalicion apo marrëveshje politike me Edi Ramën.

I ftuar në emisionin ‘’Çim Peka Live’’, Presidenti i Republikës ka thënë se në këtë tokë nuk ekziston  mundësia për marrëveshje me Ramën .

Sigurisht, që ai dha edhe dy arsye për këtë vendim të tijin, për të cilin janë vënia në diskutim e integritetit territorial të Shqipërisë si dhe kufijve të Kosovës.

‘’Kurrë mos e mendoni se ekziston një mundësi, që Ilir Meta të bëjë një koalicion me Ramën.  Kjo histori ka përfunduar! Kurrë më marrëveshje me Edi Ramën!

Marreveshje politike në ketë tokë mes Ilir Metës dhe Edi Ramës nuk do ketë më kurrë.

Arsyet janë dy, ka vënë në diskutim integritetin territorial të Shqipërisë dhe ka vënë në diskutim kufijtë e Kosovës.’’-tha Meta.