Lëviz me makinë mbi 100 mijë euro/ Kryetari i Komunës: Çfarë të keqe ka?! 

Kryetari i komunës së Mitrovicës në Kosovë, Agim Bahtiri në përditshmërinë e tij lëviz me një makinë tip “Mercedes Benz Maybach”. Vlera e saj shkon në mbi 100 mijë euro.

Agim Bahriti është pjesë e partisë Lëvizja Vetëvendosja. Ai ka thënë se makina është e djalit të tij. Kjo ëstë edhe arsyeja se përse makina nuk figuron në deklarimin e pasurisë së tij.

“Është e djalit tem. E ka ble, është drejtor gjeneral i dy fabrikave. Pse çka ka të keqe? Unë s’muj me pas në deklarim të pasurisë, pasi ai jeton në Holandë. Është mbi emër të tij. Hala si ka marr targat. Qetash e ka ndërru, ia ka dhanë Audin dhe disa pare dhe e ka marrë këtë”, ka thënë Bahtiri.

Megjithëse kryetari thotë se makina nuk është e tij por e djalit, është parë shpesh e parkuar përpara komunës së Mitrovicës.