“Kosova vend special në familjen time” Presidenti Joe Biden letër urimi për Vjosa Osmanin

Me rastin e 13 vjetorit të Pavarësisë së Kosovës, presidenti i SHBA Joe Biden i ka shkruar sot një letër urimi presidentes në detyrë Vjosa Osmani.

Biden ka theksuar në mesazhin e tij lidhjen e fortë që ka me Kosovën, duke shtuar se marrëdhënia mes popullit shqiptar dhe amerikan mbetet e fortë, bazuar në një përkushtim të përbashkët.

Gjithashtu numri një i SHBA shtoi se Kosova ka një vend  të veçantë për familjen Biden.

“Shtetet e Bashkuara të Amerikës mbeten partner dhe mik i përkushtuar i Kosovës në këto përpjekje. Ndërkaq për mua personalisht, Kosova vazhdon të mbajë një vend të veçantë për familjen Biden, në shenjë respekti të kohës gjatë së cilës djali ynë i ndjerë Beau Biden punoi për të siguruar paqen, drejtësinë dhe shtetin e së drejtës për të gjithë qytetarët e Kosovës”, shkruan Biden në letrën dërguar Osmanit.