LIGJET E BIZNESIT
Komisioni Rregullator në Komisionin Qëndror të Zgjedhjeve ka miratuar specifikimet teknike të fletës së votimit për zgjedhjet parlamentare të 25 prillit.
Votuesit në Shqipëri do të votojnë me një fletë votimi me ngjyrë dhe formë të njëjtë për të gjitha zonat zgjedhore, ndërkohë sasia e fletëve të votimit do të jetë aq sa numri i votuesve plus 2%.
Letra do të përmbajë disa elemente sigurie dhe elemente teknikë të cilët identifikojnë numrin serial, zonën zgjedhore si dhe qendrën e votimit.
Këto elemente teknikë sigurisht që nuk do të mund të lexohen me sy të lirë, ndërkohë që fletët e votimit do të prodhohen në blloqe pa kundërfletë.
“Komisioni Rregullator shqyrtoi projektvendimin “Për miratimin e specifikimeve teknike të fletës së votimit për zgjedhjet për Kuvendin e Shqipërisë të datës 25 prill 2021”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rregullatori miratoi specifikimet teknike sipas të cilave, fletët e votimit duhet të jenë prej letre, me ngjyrë, trashësi ose elemente konfigurimi të tilla që të mos lejojnë leximin e votës në pjesën e pasme të saj, si dhe të përmbajnë elemente sigurie, sipas përcaktimeve me akt normativ të KQZ-së. Fleta e votimit përmban element teknik në formën e kodeve që identifikojnë zonën zgjedhore, qendrën e votimit, si dhe elemente të tjera identifikuese që nuk lexohen me sy të lire (barkod). Ato do të prodhohen në blloqe pa kundërfletë. Numri i serisë së bllokut të fletëve të votimit shënohet në dokumentin që shoqëron bllokun e ambalazhuar, sipas përcaktimeve të KQZ-së.”, thuhet në njoftim.
