I tmerroi me hanxhar/ Heroina 14-vjeçare përzë tre grabitës të armatosur nga dyqani (Video)

Pamjet dramatike në videon e mëposhtne tregojnë momentet kur një vajzë vetëm 14-vjeçare luftonte ndaj tre grabitësve të armatosur duke i përzënë nga dyqani i saj me një hanxhar që e mbante në dorë.

Grabitësit shiheshin më pas duke u larguar të tmerruar nga dyqani menjëherë pas tentativës së dështuar të grabitjes në Bogota, kryeqytetin e Kolumbisë.

Vajza ishte me nenën e saj pas banakut kur tre grabitësit hynë brenda të pajisur me helmeta motoçiklistesh.

Grabitësit tentuan që të ulnin qepenin e dyqanit për t’i mbyllur brenda, mirëpo shihet që vajza e vogël kap hanxharin dhe tenton të qëllojë ndaj grabitësve, teksa nëna e saj i shtyn pas.

Vajza vërvit disa herë kërcënueshëm në ajër hanxharin e saj derisa grabitësit dalin nga dyqani.