I infektuar me virus, shqiptari ndërron jetë në burg sapo del nga spitali

Një 60-vjeçar shqiptar humbi jetën në një burg në komunën e Larino, në Molise të Italisë. Sipas mediave fqinje, ai kishte pak orë që kishte dalë nga spitali.

Pavarësisht ndërhyrjes dhe përpjekjes së mjekëve, ai nuk mundi të mbijetojë dhe vdiq pasditen e djeshme në qeli. Disa ditë më parë, i moshuari, identiteti i të cilit nuk bëhet me dije, kishte rezultuar pozitiv me koronavirus.

Lajmi u konfirmua nga sekretari i përgjithshëm i sindikatës së Policisë së Penitenziaria, Aldo di Giacomo.

“Dyshimet janë se i dënuari ka vdekur si pasojë e arrestit kardiak, por kjo rihap temën e sigurisë shëndetësore në institucionet e vuajtjes së dënimit dhe të vëmendjes së dobët që qeveria ka treguar, me vendimin për t’i bërë vaksinën e AstraZeneca, policive dhe të dënuarve”, tha ai./newsbomb.al