“E patolerueshme” Rama paralajmëron politikanët për mbledhjet në salla: Përfshirë dhe ata të partisë time

Në konferencën e sotme për mediat kryeministri Edi Rama foli dhe për rritjen e rasteve të reja me C OVID19 në vendin tonë.

Ai deklaroi se ka shumë politikanë që mblidhen në salla plot me njerëz duke thyer kështu rregullat e vendosura nga Komiteti Teknik i Ekspertëve.

Kreu i qeverisë shtoi se në këtë grup futen dhe ata që i përkasin partisë së tij.

“Numra që u rritën dramatikisht në vendet e Europës, po refleketohen tani dhe këtu. Masat që janë në fuqi janë masa të cilat në këndvështrimin e ekspertëve të komitetit teknik funksionojnë, por duhen zbatuar ashtu siç duhet.

Qasja e autoriteteve të shëndetësisë që janë përgjgjëse ka qënë një qasje më shumë sensibilizuese dhe mirëkuptuese sesa represive, mesa duket ç’ka konstatohet nga autoritetet në javët e fundit vihet re një rënie e angazhimit të qytetarëve duke filluar nga vendosja e maskës kudo.

Jashtë shtëpisë, duke vazhduar me zbatimin e rregullave për njësitë tregtare dhe me ato aksese të patolerueshme në lokale të caktuara apo qoftë nga politikanët. Këtu me politikanët do e bëj të qartë që nuk kam parasysh politikanët që i përkasin partive të tjera por dhe ata që i përkasin partisë që unë drejtoj të cilët shkelin rregullat.

Duke u mbledhur në dhoma dhe salla me më shumë persona që është përcaktuar. Kjo është e papërgjegjshme dhe e pajustifikueshme. Se të gjitha bashkë bëjnë atë që nuk duket sot si një front i bashkuar përgjegjësisë individuale në luftën kundër covid. Nëse nuk reagojmë tani dhe nëse secili nuk bën detyrën, situata rrezikon të përkeqësohet”, deklaroi Rama ndër të tjera.