“Do të djegim të gjallë” Kërcënohet me jetë ish-shefi i Krimeve në Elbasan, zbardhet mesazhi

Kërcënohet me jetë Sokol Novaku, ish-shefi i sektorit të krimeve në drejtorinë e Elbasanit.

Mesazhi tronditës raportohet se i ka ardhur në numrin e tij të celularit.

Ende nuk dihet autori, por dyshohet se ngjarja ka lidhje me profesionin.

“Do të bajm ushqim për derra, ty me gjithë familjen, do të djegim të gjallë. Kena për të q* robt, i ke ditët e numërume,”– shkruhet në mesazhin që ka marrë Sokol Novaku.

Ky i fundit e ka depozituar kallëzimin dy ditë më parë në Prokurorinë e Elbasanit.

Dy javë më parë Novaku iku nga posti i kreut të Sektorit të Krimeve në Policinë e Elbasanit, dhe në vend të tij u vendos Faik Ruko.

Ndërkohë, Novaku i cili mbante me parë këtë post u transferua në komisariatin e policisë në Gramsh, në të njëjtin pozicion.