“Asnjë defekt, por faji i …” Zbulohet raporti zyrtar për aksidentin që i mori jetën Kobe Bryant

Një vit pas ngjarjes, ka dalë zyrtarisht raporti për shkaqet e aksidentit tragjik me helikopter që i mori jetën yllit amerikan të basketbollit Kobe Bryant, vajzës së tij Gianna dhe  shtatë personave të tjerë që ishin në bord.

Ndërkohë, presidenti i Sigurisë Kombëtare të Transportit, Robert Sumwalt ka deklaruar se fajtor ishte piloti Ara Zobayan, që u ngrit në fluturim në kushte atmosferike të këqia, me mjegull dhe re të ulëta.

Sipas tij, ai ka shkelur kështu normat standarte federale.

Bëhet me dije se nuk ka patur asnjë defekt në mjet, por ka qenë piloti ai që humbi orientimin dhe pasi kapi lartësinë maksimale, humbi dhe kontrollin e helikopterit para se të përplasej me një kodër.

Duke qëndruar në raportin zyrtar, mjeti nuk ishte i pajisur me një instrument të nevojshëm për futurimet në kushte të vështira pamore, që sinjalizon afërsinë me terrenin. Gjithsesi, ky detaj thonë shumë specialistë nuk do ta evitonte aksidentin fatal. Ky raport i vjen në ndihmë familjarëve të personave që humbën jetën, që kanë ngritur padi kundër kompanisë së helikopterëve.