Arrestimet e bujshme në Gjykatën e Krujës, vjen reagimi i menjehershëm nga kryeministri Rama

Pas operacionit të finalizuar sot në Gjykatën e Krujës ku është arrestuar me urdhër të SPAK gjyqtarja Enkeleda Hoxha dhe 9 persona të tjerë, ka ardhur dhe reagimi i kryeministrit Edi Rama.

Ky i fundit shprehet se prangosja e Hoxhës, që e quan si ‘gjykatësen famëkeqe të Krujës”, është një lajm i shumë pritur.

Rama shton se kjo gjë duhet të inkurajojë këdo që pret drejtësi për krimet e gjykatësve e prokurorëve të korruptuar dhe uron që çuarja e këtij llumi para drejtësisë të vazhdojë.

“Prangosja e gjykatëses famëkeqe të Krujës dhe rrjetit të saj kriminal nga institucionet e reja të drejtësisë, është një lajm i shumëpritur për të gjithë ne, e për të gjithë atë shumicë dërrmuese shqiptarësh, që na kanë mbështetur me zjarr për Reformën në Drejtësi! Ky lajm duhet të inkurajojë këdo që pret drejtësi për krimet e gjykatësve e prokurorëve të korruptuar dhe uroj që çuarja e këtij llumi para drejtësisë të vazhdojë! Kush s’ka kaluar Vetingun duhet të përgjigjet, kush vazhdon të abuzojë meqë s’kalon dot Vetingun, duhet të ndalohet!”– shkruan Rama ndër të tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern