Kreu i Urgjencës Kombëtare Skënder Brataj ka deklaruar sw fundmi se rastet e reja të me C OVID19 në Shqipëri do të vijnë duke u shtuar javët e ardhshme.
Ai shtoi se nëse infektimet do të rriten me shifra të larta dhe kapacitetet nëpër spitale do të shterohen, atëherë do të mund të kemi dhe ashpërsim të masave kufizuese.
Pyetje: Si e parashikoni situatën, dy javët e ardhshme do të ketë ulje apo rritje të rasteve të reja?
Brataj: Javët e ardhshme do të kemi rritje padyshim.
Pyetje: Do të ketë shtrëngim masash?
Brataj: Kjo mbetet për t’u parë, në varësi të gjendjes së sistemit shëndetësor. Nëse rastet shtohen shumë dhe spitalet mbushen dhe rrezikohen resurset, patjetër që do të ketë shtrëngim masash. Pra lehtësimi, shtrëngimi apo mbatja konstant e masave anti-covid varet nga vetë njerëzit. Nëse respektojnë masat atëherë shifrat nuk do të rriten dhe nuk do të ketë shtrëngime.
