Zbardhet vendimi i KQZ-së/ Ja sa para do të kenë partitë politike për fushatën elektorale

85 ditë nga zgjedhjet parlamentare në vendin tonë, Komisioni Qendror i Zgjedhjeve ka vendosur ndarjen e shumës së parave për fushatën elektorale të partive politike.

Kështu, llogaritur nga numri i mandateve të fituara në zgjedhjet e vitit 2017, partitë politike do të kenë në dispozicion 140 milionë lekë të reja.

Shumën më të madhe të parave do ta marrë Partia Socialiste, si partia që ka edhe më tepër mandate të fituara, me rreth 63.4 milionë lekë. Djegia e mandeteve të opozitës nuk i përjashton këta të fundit në përfitimin e parave për fushatë elektorale.

Si PD dhe LSI do të kenë në dispozicion përkatësisht 38.9 dhe 20 milionë lekë të reja. Po ashtu edhe partitë e vogla do të cilat kanë fituar mandat do të kenë në përdorim për fushatën nga 4.8 deri në 7.4 milionë lekë.

Këto fonde do të miratohen në 2 shkurt nga KQZ, për t’u shpërndarë më pas partive.